قعدة‏ ‏بـنات‏ ‏مع‏ ‏منة‏!‏, من مجله الشباب

fo2shawy: شاب جامد; عدد الرسائل : 53
العمر : 35
البلد : مصر ام الدنيا
المجموعه : شباب
رقم العضويه : 2
تاريخ التسجيل : 23/05/2008

مساهمة رقم 1

قعدة‏ ‏بـنات‏ ‏مع‏ ‏منة‏!‏, من مجله الشباب

من طرف fo2shawy 29/5/2008, 9:21 am

كلميني‏ ‏عن‏ ‏فيلمك‏ ‏الجديد‏..‏
‏
‏هو‏ ‏فيلم‏ ‏كوميدي‏ ‏مع‏ ‏أحمد‏ ‏حلمي‏.. ‏ومن‏ ‏تأليف‏ ‏أيمن‏ ‏بهجت‏ ‏قمر‏ ‏وإخراج‏ ‏خالد‏ ‏مرعي‏ ‏ـ‏ ‏مخرج‏ ‏فيلم‏ ‏تيمور‏ ‏وشفيقة‏ ‏ـ‏ ‏وأنا‏ ‏حبيت‏ ‏الحدوتة‏ ‏عند‏ ‏قراءتي‏ ‏لها‏ ‏من‏ ‏أول‏ ‏مرة‏ ‏لكن‏ ‏مش‏ ‏عايزه‏ ‏أحرق‏ ‏القصة‏.‏
‏
‏هل‏ ‏تتوقعين‏ ‏له‏ ‏نفس‏ ‏النجاح‏ ‏الذي‏ ‏حققه‏ ‏كده‏ ‏رضا؟‏ ‏
‏
‏لما‏ ‏بامثل‏, ‏كل‏ ‏اللي‏ ‏بأفكر‏ ‏فيه‏ ‏إني‏ ‏أقدم‏ ‏أفضل‏ ‏ما‏ ‏عندي‏.. ‏وبكون‏ ‏مبسوطة‏ ‏جدا‏ ‏وأنا‏ ‏باشتغل‏ ‏الشغلانه‏ ‏دي‏.. ‏ولو‏ ‏انبسطت‏ ‏واستمتعت‏ ‏باعتبر‏ ‏نفسي‏ ‏نجحت‏, ‏وهو‏ ‏ده‏ ‏اللي‏ ‏أقدر‏ ‏عليه‏, ‏أما‏ ‏نجاح‏ ‏الفيلم‏ ‏نفسه‏.. ‏فده‏ ‏شيء‏ ‏بتاع‏ ‏ربنا‏!‏
‏
‏انت‏ ‏عاملة‏ ‏دويتو‏ ‏مع‏ ‏حلمي؟‏
‏لا‏.. ‏وقبل‏ ‏كده‏ ‏قدمت‏ ‏فيلمين‏ ‏من‏ ‏أنجح‏ ‏أفلامي‏ ‏مع‏ ‏كريم‏ ‏عبد‏ ‏العزيز‏ ‏هما‏ ‏واحد‏ ‏من‏ ‏الناس‏ ‏و‏ ‏محطة‏ ‏مصر‏.. ‏ووقتها‏ ‏قالوا‏ ‏إننا‏ ‏حنعمل‏ ‏دويتو‏ ‏ومحصلش‏. ‏فكل‏ ‏ممثل‏ ‏أعمل‏ ‏معه‏ ‏يضيف‏ ‏لي‏ ‏خبرة‏ ‏وتجربة‏ ‏مختلفة‏ ‏عن‏ ‏الآخر‏.. ‏والمخرجون‏ ‏أيضا‏ ‏تنوعهم‏ ‏يضيف‏ ‏للفنان‏ .‏
‏
‏بتختاري‏ ‏أفلامك‏ ‏ازاي؟
‏
‏علي‏ ‏أساس‏ ‏الفكرة‏ ‏والموضوع‏ ‏ودوري‏ ‏في‏ ‏الفيلم‏.. ‏يعني‏ ‏لازم‏ ‏تجذبني‏ ‏الفكرة‏ ‏وأقتنع‏ ‏بدوري‏ ‏وأتخيل‏ ‏حامثله‏ ‏ازاي‏ ‏يعني‏ ‏بالبلدي‏ ‏الدور‏ ‏الحلو‏ ‏بيناديني‏!‏
‏
‏تقدري‏ ‏تشيلي‏ ‏بطولة‏ ‏فيلم‏ ‏لوحدك؟‏
‏اتعرض‏ ‏علي‏ ‏كتير‏, ‏بس‏ ‏انا‏ ‏مش‏ ‏عايزه‏ ‏وأفضل‏ ‏أنه‏ ‏يكون‏ ‏مع‏ ‏ممثل‏ ‏قوي‏ ‏ونعمل‏ ‏بطولة‏ ‏مشتركة‏.‏
‏
‏اتأثرت‏ ‏بموضوع‏ ‏خالد‏ ‏يوسف‏ ‏يا‏ ‏منة؟
‏
‏خلاص‏ ‏بقي‏, ‏الموضوع‏ ‏خلص‏, ‏وعلي‏ ‏فكرة‏ ‏الموضوع‏ ‏أخذ‏ ‏أكثر‏ ‏مما‏ ‏يستحق‏.‏
‏
‏ممكن‏ ‏اسألك‏ ‏سؤال‏ ‏من‏ ‏غير‏ ‏زعل‏.. ‏شعورك‏ ‏إيه‏ ‏لما‏ ‏تعملي‏ ‏دور‏ ‏إغراء؟
‏
‏أنا‏ ‏عمري‏ ‏ما‏ ‏أعمل‏ ‏دور‏ ‏اخجل‏ ‏منه‏ ‏بعدما‏ ‏أكبر‏ ‏أو‏ ‏ولادي‏ ‏يتكسفوا‏ ‏لما‏ ‏يشوفوه‏ ‏ـ‏ ‏بعدما‏ ‏اتجوز‏ ‏طبعا‏.‏
‏
‏لكن‏ ‏في‏ ‏فيلم‏ ‏هي‏ ‏فوضي‏ ‏عملت‏ ‏مشهد‏ ‏كان‏ ‏يعني‏ ..‏؟‏
‏قصدك‏ ‏مشهد‏ ‏الحمام‏, ‏المشهد‏ ‏ده‏ ‏كان‏ ‏موظفا‏ ‏لخدمة‏ ‏الدراما‏ ‏وكان‏ ‏لازم‏ ‏المشاهد‏ ‏يتخيل‏ ‏إني‏ ‏عريانة‏.. ‏بس‏ ‏أنا‏ ‏مكنتش‏ ‏عريانة‏, ‏وطبعا‏ ‏فيه‏ ‏فرق‏!!‏
‏
‏نفسك‏ ‏تمثلي‏ ‏مع‏ ‏مين؟
‏
‏ال‏ ‏باتشينو‏!!‏
‏
‏عايزه‏ ‏تعملي‏ ‏إيه؟‏
‏ياااه‏ ‏حاجات‏ ‏كتير‏ ‏قوي‏... ‏هوه‏ ‏أنا‏ ‏لسة‏ ‏عملت‏ ‏حاجة‏!!‏
‏
‏أخيرا‏... ‏قلبك‏ ‏أخباره‏ ‏ايه؟‏
‏فاضي‏ ‏جدا‏!! ‏

قعدة‏ ‏بـنات‏ ‏مع‏ ‏منة‏!‏, من مجله الشباب

قعدة‏ ‏بـنات‏ ‏مع‏ ‏منة‏!‏, من مجله الشباب

مواضيع مماثلة

مواضيع مماثلة